Aurrerantzean, ekonomia eta enplegua elkarrekin sustatze aldera, behar diren egitasmoak koordinatzeko eta elkarlanean aritzeko, tresna propio eta egokia izango dute.

Eskualde mailan aritzeak, enpresekin, prestakuntza zentroekin eta gizarte eta ekonomia arloko beste eragileekin batera lan egiteko aukera emango die. Akordio honi esker, udalerri bakoitzaren gaitasun eta baliabideei etekin hobea aterako zaie.

Protokoloak erantzun beharreko lau helburuak: lurraldearen egoera zein den jakiteko diagnostikoa egitea; plan lokala edo eskualdekoa garatzea, behar eta aukeren diagnostiko partekatutik abiatuta; egitasmoen kudeaketaren eta zuzendaritza politikoaren arintasuna bermatzea; eta eskualdeko udalerri guztien interesak bateratuta, mesedegarria ote den elkarlanean eta lankidetzan aritzea aztertzea.

Eskuragarri duzu protokolo hitzarmena hemen